Hess Michael

Michael Hess wurde 1971 geboren. Er ist aufgewachsen in Neusiedl am See, wo er auch heute lebt. Er studierte Deutsch und Geschichte auf Lehramt, ist freier Werbetexter und seit 2003 Bibliothekar an der Burgenländischen Landesbibliothek sowie ambitionierter Freizeithistoriker mit Veröffentlichungen zu zeitgeschichtlichen burgenländischen Themen. Er widmet sich Wörtern in unterschiedlichsten Facetten und veröffentlichte bisher auch zwei Lyrikbände: 2010 erschien der Gedichtband zu dicht (edition lex liszt 12), im Sommer 2013 folgten Gedichte und Sprachspiele unter dem Titel laut mal laut (edition lex liszt 12). Gewinner des Bewag Literturpreises für Lyrik 2008.

www.hesstexter.at

Hörprobe

Pannonische Küche

gheat dea grena dia

gheat dea grenadiamarsch

gheat dea dia

is de bounl zui

is de bounlzuispeis

is de zui

gheat des szeged ina

gheat des szegedina gulasch

gheat des ina

kaun des kiawas ge

kaun des kiawasgemüse

kaun des ge

mocht des a let scho

mocht des a letschogemüse

mocht des a scho

hobm de kraut fle

hobm der krautfleckerl

hobm de fle

wos wiad de erdbea tua

wos wiad de erdbeatuatn

wos wiad de tua

mia tuat de rindsru lad

mia tuat de rindsrulade

mia tuat de lad

langsam zu einem ende kommen

es tuat goa net weh, waun wos hinhaut
i schau goa net eini, wauns wo ausschaut

i probia zum laundn, waun i auf wen ofliag
i denk imma grod noch, waun i foisch obiag

i steiga mi net eini, waun wea aussteigt
i hob die nosn gstrichn voi, waun wea aufgeigt

i kriag net immer mit, waun mi wea drau kriagt
i tick net gaunz richtig, waun mi wea aufziagt

i hob oft an sitzn, waun i ausgeh
i lieg unta da erdn, waun i draufgeh

rote rüben im angebot

wos is, waun a rode-ruabm-bauer bei da spö is?
is a daun a roda rode-ruabm-bauer?
und waun dea rode rode-ruabm-bauer
seinan roden ruabm an raum baut,
is a daun a roda rode-ruabm-raum-bauer?
und waun a nochad den raum a no rod ausmoint,
is a daun a roda rode-ruabm-roda-raum-bauer?
und wos is, wauns aus’m rodn rode-ruabm-bauern
sein rodn rode-ruabm-raum die rodn ruam raubm?

Aus dem Buch:

laut mal laut

Gedichte und Sprachspiele